Til að tryggja að hópakstur á mótorhjólum gangi vel fyrir sig hefur verið búið til kerfi sem á að tryggja jafnt flæði og öryggi hópsins.

Kostirnir við þetta kerfi sem hér er kynnt er margþætt:

• Það er aðeins einn sem stýrir hvert hópurinn er að fara (rauður).
• Það er alltaf einn ákveðin hjólari sem fær það hlutverk að vera aftastur (fjólublár).
• Hópurinn þarf ekki allur að stoppa á gatnamótum heldur getur hjólað áfram og þannig viðhaldið jöfnu flæði.
• Engin á að geta "týnst" í svona kerfi. 
• Hraðir  hjólarar geta auðveldlega hjólað með þeim sem hægari eru. Þeir gæta hinsvegar oftar þurft að bíða á gatnamótum .

Myndirnar hér fyrir neðan sína fimm hjól á svartri slóð.  Á slóðinni eru tvö gatnamót.

	1. Fremsti (rauður) og aftasti (fjólublár) eru lykil menn í hópnum. Fremsti leiðir hópinn og aftasti passar að enginn sé skilinn eftir. Hjólahópur nálgast gatnamót.
	2. Til að tryggja að engin í hópnum fari óvart rangan afleggjara bíður næstfremsti hjólarinn (gulur) við gagnamótin meðan hópurinn hjólar framhjá.
	3. Guli heldur  stöðu sinni við gatnamótin þangað til hann hefur tryggt að aftasti hjólarinn hafi séð sig.
	4. Hópurinn heldur áfram.
	5. Á næstu gatnamótum er komið að bláum að bíða á gatnamótum.
	6. Blái heldur stöðu sinni við gatnamótin þangað til hann hefur tryggt að aftasti hjólarinn hafi séð sig.
	7.  Hópurinn heldur áfram.

 Atriði sem þarf að hafa í huga þegar hjólað er í hóp:

1. Ef þú sérð ekki lengur manninn sem var fyrir aftan þig, er líklegt að hann hafi stoppað eða verulega hægt á sér.  EKKI halda bara áfram og vona það besta. Stoppaðu og athugaðu hvað hefur gerst.  Þannig tryggjum við að löng hjólaröð verði aldrei lengri en svo að fremri hjólari sjái næsta hjólara fyrir aftan sig.
2. Það er bannað að rása milli hjólfara. Það gildi sömu reglur varðandi framúrakstur á slóð eins og úti í umferðinni. Almenn umferð í hægra hjólfari og framúrakstur á því vinstra.
3. Ekki hjóla svo þétt upp að manninum fyrir framan þig að þú eigir ekki möguleika á að bremsa ef svo ber undir.
4. Þegar mikið ryk er á slóðum getur verið nauðsynlegt að hjóla hlið við hlið. Rykið spillir sýn og því getur verið nauðsynlegt að stoppa oftar til að athuga með félaga sem eru fyrir aftan.