Núna um helgina verður farin fyrsta formlega Slóðavinaferð ársins og er það að venju fjórhjólamenn sem ríða á vaðið.

Ferðin er hugsðuð fyrir félagsmenn og er nánari lýsing inná spjallinu, sjá hér.

Þessi fyrsta ferð er gerð útfrá Fljótshlíð og veðurspáin er flott, kalt en fallegt veður, bjart og líklega stillt veður. Má reikna með að færið verði gott, líklega harðfenni. Mér skilst að það sé ennþá pláss fyrir góða félaga.

Þó margir landsmenn bölsótist og kvarti yfir öllum þessum snjó þá eru ekki allir ósáttir við hann, fjórhjólamenn gleðjast og þeysast af stað og skemmta sér vel í öllum snjónum.

Þeir félagar Kristján og Ari hafa farið mest fyrir fjórhjóladeild Slóðavina og er duglegir að fara í skreppitúra og þá sérstaklega á þessum fyrstu mánuðum ársins, eru það bæði hér í kringum stór Reykjavíkursvæðið og einnig lengra t.d. uppá Skjaldbreið.

Við hvetjum alla fjórhjólamenn og -konur að skrá sig í félagið og fylgjast með á spjallinu eftir næsta túr.

Einnig má benda á að næsti stórtúr fjórhjólamanna verður síðustu helgina í febrúar en það eiga eftir að koma nánari fréttir þegar nær dregur.

Ég smelli með nokkrum myndum af þeim félögum þar sem þeir eru við Skjaldbreið, nágrenni Helgafells, Hellisheiði og Nesjavallaleið.

Norðurferðin heppnaðist alveg frábærlega. Á fimmtudag keyrðum við inn í Flateyjadali frá brúnni yfir Fnjóská að austanverðu. Fyrst keyrðum við slóðann með ánni í átt að afleggjaranum að Flateyjardal. Í bakaleiðinni fórum við aðeins niður eftir ánni og yfir hana og keyrðum upp með ánni hinum megin í gegn um skóginn, alls 122km.

Síðan var keyrt á Kópasker og á föstudag var keyrt um Öxarfjörð og Kelduhverfi frábærar leiðir sem er draumur allra hjólara 178 km. lágu þann daginn.

Á laugardeginum var Melrakkasléttan könnuð, svæði sem lítið hefur verið kannað af hjólafólki, misjafnir slóðar og mishraðir, en skemmtilegir og farið var m.a. á nyrsta tanga landsins og stillt upp fyrir myndartöku. Á laugardeginum voru eknir 166km.

Á sunnudeginum var tekin stuttur rúmlega 40km.sprettur, en undirritaður ásamt Steinu og Hilmari vorum eftir. Þeir sem keyrðu lengst í þessari ferð fóru því yfir 500 km., en þeir sem óku styðst óku tæpa 400km.
Frábær helgi (hefði allveg viljað vera í viku), kveðja H.Líklegur

Síðastliðin laugardag var hinn árlegi "Langi laugardagur" Slóðavina en þá er markmiðið að hjóla ekki minna en 350 km þann dag.

Dagleiðin hafði verið ákveðin 362 km og átti að hefjast við Meyjarsætið, vegna smá hrakningar nokkura félaga að komast þangað gekk tímaáætlun ekki alveg eftir, tafðist brottför um tæpa klukkustund.
Það voru 12 félagar sem hófu ferðina við Meyjarsætið og einn sem ætlaði að hitta okkur á Geysi, þegar hóparnir skiluðu sér þangað var orðin smá breyting á, 2 urðu að hætta för en það voru samt 11 sem héldu áfram í 3 hópum.