Það var ánægjulegt hvað margir sáu sér fært með að eiga skemmtilegt kvöld með okkur á 4ra ára afmælisfundinum þrátt fyrir landsleik í handbolta og svo fjölgaði strax eftir leikinn. Voru það hátt í hundrað manns sem komu og var gaman að sjá mörg ný andlit þarna.
Kynntur var nýr bæklingur fyrir árið 2012 og einnig plakat sem við ætum að reyna hengja upp á sem flestum stöðum þar sem mótorhjólaáhugafólk venur komur sínar.
Ásgeir formaður renndi yfir dagskrá ársins og kynnti til þá sem halda viðburðina og var farið lauslega yfir hvern viðburð fyrir sig og gátu viðstaddir spurt spurninga um hvern viðburð.
Einnig var félagsmönnum bent á að gott væri að nota spjallið til þess að skipuleggja fleiri ferðir.
Eftir kynninguna var boðið uppá kökur og tilheyrandi meðlæti og menn spjölluðu og var að heyra að það væri mikill hugur í mönnum fyrir sumarið
Stjórn þakkar fyrir skemmtilegt kvöld
