Innipúkinn
Í gærkvöldi héldu Slóðavinir ferðahjóla og búnaðarkvöld í sýningarsal Arctic Trucks.
Voru þarna um 15 tæki, mátti sjá þarna lítið breytt endurohjól uppí stór ferðahjól með allskyns töskum og kössum, ýmist heimasmíðað eða verksmiðjusmíða. Einnig voru þarna margar útfærslur af fjórhjólum og var gaman að sjá hvað menn útbúa hjólin sín mismikið og hvað það er hægt að gera þetta í mörgum útfærslum.
Það var mjög góð mæting og að heyra að mikill ferðahugur væri komin í mannskapinn og með að verða óþreyjufullir í að bíða eftir góðu ferðafæri.
Aron Reynis miðlaði aðeins úr reynslubanka sínum en hann hefur mikla reynslu í ferðalögum um hálendið, bæði sem jeppamaður og einnig á ýmsum gerðum að mótorhjólum.
Var mikið spjallað og hægt að skoða ýmsan búnað sem Arctic Trucks býður uppá og var það mál manna að þetta hefði verið mjög fróðlegt og skemmtilegt kvöld. Eiga þeir sem stóðu að skipulaginu ásamt eigendur hjólana hrós skilið og einnig þökkum við Arctic Trucks fyrir að bjóða okkur þessa frábæru aðstöðu.
Fleiri myndir frá kvöldinu má sjá hér.
Síðastliðin þrjú ár hafa félagar í Ferða- og Útivistarfélaginu Slóðavinum farið á vorin til að planta trjám og dreifa áburði á lítið svæði rétt suður af Sultartangalóni undir stjórn Hreins Óskarssonar verkefnisstjóra Hekluskóga og í samvinnu við Landgræðslu ríkisins. Árangurinn er ótrúlegur og er birkið sem gróðursett var vorið 2009 orðið allt að 50 cm trjám í dag. Þar sem áburði var dreift að vori á örfoka landi árin 2009 og 2010 er nú orðið gróið land, tilbúið undir birkiskóg. Eftir uppgræðsluferð vorið 2011 kom upp sú hugmynd að fá fleiri mótorhjólafélög til að græða upp svæðið norðan þjóðvegarins frá Þjórsárbrúnni við Sultartangavirkjun og að Ferjufit, allt norður að Sultartangalóni (sjá mynd).
