Félagið minnir á vinnukvöldi í skúrnum miðvikudaginn 10. mars.  Vinnukvöldið fer fram hjá JHM-Sport, Stórhöfða 35 og hefst kl. 19:00. Þátttökugjald er 500kr. og greiðist á staðnum.  Kári Jónsson, íslandsmeistari í endúró og verkstæðismaður hjá JHM-sport, verður með sýnikennslu hvernig maður getur stillt tvíhjólið eftir aðstæðum og fengið sem mest út úr því hverju sinni, hvort sem þetta er á ísnum, í sandi, nýbyrjandi eða vanur hjólari.

Leitað verður til sérfróðra atvinnu- og áhugamanna um málefni sem snú að viðhaldi og viðgerðum á tvíhjólum, t.d farangur, töskur og festingar og að þessu sinnu verður Jón H Magnússon lika að kynna fyrir okkur það sem er nýtt á markaðnum i dag.

Fjórhjólaferðin 4.mars gekk mjög vel. Fjögur fjórhjól lögðu af stað frá kaffistofunni um kl. 18 og fóru inn að innstadal. Færið var frekar þungt, blautur snjór en þjappaðist ágætlega og voru þetta kjörnar aðstæður til að æfa sig. Við fórum aðeins yfir dekk, úr hleypingar  og aksturstækni.

Ferðasaga úr síðustu ferð þar sem 7 fjórhjólamenn fóru helgarferð inn við Þórsmörk.

Fjallabaksferðin gekk ekki alveg eftir stóra planinu en samt er nú alltaf gaman ! Planið var að fara Emstruleið og komast í Strútslaug, en við komumst nú ekki lengra en að Emstruskála eða um 1/3 af leiðinni.

Veðrið setti stórt strik í ferðina, ROK og meira rok og smá púðursnjór.

Frétt af vef Ferðaklúbbsins 4x4:

Vegna herferðar ýmsa aðila í fjölmiðlum að undanförnu um slóðagerð þá verða fulltrúar F4x4, þeir Þorsteinn I. Víglundsson og Skúli H. Skúlason í viðtali á rás 2 í dag miðvikudaginn 3. mars kl. 17:30. Hægt er að hlusta á viðtalið hér http://dagskra.ruv.is/streaming/ras2/live/ og hvetjum við að sjálfsögðu alla til að leggja við eyrun.

Fjórhjólaferð í snjó

Vegna veðurs hefur verið ákveðið að færa ferðina sem átti að vera á laugardaginn 6.mars fram á fimmtudaginn 4.mars. Mæting við litlu kaffistofuna klukan 18, farið verður um Hengilsvæðið og reynt að finna mismunandi aðstæður í snjó og ám, farið yfir dekk og aksturstækni.

Það er komið töluvert af snjó á hengilsvæðið, en spáð er rigningu og hita um næstu helgi og fram eftir næstu viku svo við verðum að grípa tækifærið og komast í smá snjó fyrir sumarið.

Skráning fer fram Hér

Í Bændablaðinu, sem kom út í dag, er grein um málþing Landbúnaðarháskólans sem fram fór fyrir skemmstu.  Þar fjallaði Andrés Arnalds um akstur mótorhjóla og vildi meina að megnið af þeim landsspjöllum og landeyðingu sem við horfum á í dag væri af þeirra völdum. Andrés lætur kortafyrirtækin heyra það, sem og stofnanir og ferðaþjónustufyrirtæki.

Andrés kemur á félagsfund Slóðavina 3. mars, þar sem hann kemur til með að flytja sama erindi og hann flutti á málstofunni.  Greinin er á blaðsíðu 12 í Bændablaðinu.

Vinnukvöld í skúrnum fór fram hjá Arctic Trucks í gærkvöldi, um 20 manns voru mættir. Björgvin Stefánsson og Stefán Jóhannesson hjá Arctic Trucks voru leiðbeinendur kvöldsins. Farið var yfir ventlastillingar í 4 gengis hjólum og hvað ber að varast við slíka aðgerð. Stefán lagði mikla áherslu á að hafa viðgerðarhandbók hjóls við hendina og lesa hana vel áður en hafist er handa. Farið var yfir hvernig kúplingsskipti fara fram og hvernig mæla skal slit kúplingsdiska og gorma. Björgvin spreytti sig á dekkjaskiptum á meðan menn ræddu mismunandi gerðir dekkja og slanga og hversu mikinn loftþrýsting er skynsamlegt að hafa í dekkjum. Að lokuim fór Ásgeir Örn Rúnarsson yfir mismunandi gerðir pústkerfa og þær aðferðir sem hægt er að beyta til að draga úr hljóðstyrk hjóla með svokölluðu "silent insert".

Gögn frá kvöldinu eru aðgengileg innskráðu félagsfólki hér á vefnum

Næstkomandi föstudag 26. febrúar verður lagt af stað í fjórhjólaferð, gist verður 2 nætur í Fljótsdal við rætur Þórsmerkur.

Reynt verður að fara svokallaða Emstruleið, upp með Markarfljóti og in á Mælifellssand og stinga tánum í strútslaug. Seinni dagurinn verður sennilega aðeins styttri, Tindafjöll og nágrenni.

Skráning stendur yfir Hér , staðurinn tekur einungis 17 manns og því um að gera að skrá sig sem fyrst.

Nánari upplisingar gefur Kristján í síma 692-5735 og á spjallinu.