Hjólamenn í Mosfellsbæ og væntanlega fleiri hafa uppá síðkastið komið að lokuðum slóðum í kringum bæinn og eru þær lokanir með ýmsum hætti og jafnvel hættulegar.

Óskuðu því nokkrir hjólamenn í Mosfellsbæ eftir fundi með bæjarstjóranum til þess að fá skýringar á þessum lokunum og var það auðsótt mál.

Eftir að hafa slegið af Norð-austurferð Slóðavina og sameinað hana með næstu ferð á eftir vegna þátttökuleysis voru 13 Slóðavinir mættir í skíðaskálann á Skagaströnd um síðustu helgi.

Upp úr hádegi fóru að berast hringingar í síma minn og annara Slóðavina og var erindið þess efnis að fréttir til bænda og landeiganda á svæðinu væru þær að von væri á mótorhjólaliði sem ætlaði að skera Skagann frá landinu með utanvegaspóli og landspjöllum. Eftir nokkur símtöl til að reyna að leiðrétta þessar upplognu sakir var látið boð út ganga að bændum og landeigendum væri boðið á fund með okkur um kvöldið þar sem farið yrði yfir áætlaðar akstursleiðir.

Í Fréttablaðinu í dag og á Visir.is er sagt frá viðgerð Slóðavina á brú einni á Mosfellsheiði, nú fyrr í sumar. Dekkið var orðið fúið, hættulegt var yfir hana að fara og því hafði myndast vegslóði neðan við brúnna sem engum var til sóma. Viðgerðin tókst mjög vel og strax fyrstu mínúturnar sem nýja dekkið var opið höfðu tvö tvíhjól og eitt fjórhjól nýtt sér samgöngubótina.

Miðvikudaginn 25. ágúst ætla Slóðavinir að halda í aðra viðgerða og viðhaldsferð sumarsins. Að þessu sinni á að laga ummerki eftir akstur tví- og fjórhjóla í og við Marardal og Engidal, en þeir eru staðsettir í vestanverðum Henglinum. Upp frá Engidal liggur gönguleið inn í Marardal, sem og upp á Skeggja, hæsta tind Hengilsins. Umferð tví- og fjórhjóla hefur verið um dalina vel á annan áratug, en undanfarið hefur borið á nýmyndun slóða og landsskemdum sem rýra upplifun alls útivistarfólks sem um svæðið fer.

Allar nánari upplýsingar um viðhaldskvöldið er að finna á dagskrárvef félagsins.

Á mánudaginn heldur Halldór Sveinsson til Montana fylkis í Bandaríkjunum á árlega ráðstefnu National Off-highway vehicle conservation council. Stjórn fór þess á leit við Halldór að hann færi á ráðstefnuna sem fulltrúi félagsins. Áður hafa þrír íslendingar sótt þessa ráðstefnu. Að þessu sinni verður ráðstefnan haldin í höfuðstöðvum NOHVCC í Great Falls, rétt við landamærin yfir til Kanada.

Fyrir nokkru var mótorhjólamaður að segja frá því hvernig hinir ýmsu mótorhjólamenn taka sumarfríið sitt til að hjóla, en hann sagði m.a.: Götuhjólamenn taka frí til að fara í túra frá 15. júní til 15. júlí. Enduroferðahjólamenn (stór endurohjól) frá 15. júlí til 15. ágúst.

Létt-endurohjólarar taka frí frá 15. ágúst til 15. september, en sá sem á allar þessar tegundir af hjólum er að sjálfsögðu í fríi allt sumarið.

Óstaðfestar fregnir herma að Slóðavinir séu einstaklega duglegir að hjóla á slóðum þessa dagana. Frá síðustu helgi hafa borist óstaðfestar fregnir af ýmsum Slóðavinum í löngum túrum.

Á föstudaginn hjóluðu sjö slóðavinir frá Reykjavík með búnað og vistir til tveggja nátta. Var þetta í fyrsta sinn í sögu félagsins sem þessi háttar er hafður á og má búast við fleiri svona ferðum á komandi misserum. Upphaflega var ætlunin að ferðast á vegslóðum suðurhálendisins, en úrkomuspá á svæðinu varð til þess að endurskipuleggja þurfti leiðarvalið.  Þegar yfir lauk fór hópurinn rúmlega sex hundruð kílómetra.